Еңбек қатынастары

Жұмыссыздарды кәсіби даярлау, біліктілігін көтеру және қайта даярлауды ұйымдастыру әлеуметтік қолдаудың маңызды түрлерінің бірі болып табылады.

2009 жылы кәсіби оқытуға, біліктілігін көтеруге және қайта даярлауға 3000 жұмыссыз азаматты жіберу қарастырылған.

Жыл басынан кәсіп пен мамандықтың 25 түрі бойынша 1067 адам оқуға жіберілді. Оқуды аяқтаған адамдардың саны 27 адамды құрады, олардың барлығы да жұмысқа орналастырылды.

Елбасының өңірлік жұмыспен қамту және кадрларды даярлау стратегиясын жүзеге асыру тапсырмасына сәйкес, облысымызда Жол картасындағы белгіленген 4 бағыт бойынша еңбек ресустарының болжамдық қажеттілігін анықтау жұмыстары жүргізілуде. Есептік мәліметтерге сәйкес облысқа мамандарды даярлау және қайта даярлау қажеттілігі 4196 адамды құрайды. Өңірлік жұмыспен қамту және кадрларды даярлау стратегиясын жүзеге асыру үшін республикалық бюджеттен 140 млрд.теңге сомасында қаражат бөлу мәселесі қарастырылып отыр. Қазақстан Республикасы Еңбек және халықты әлеуметтік қорғау министрлігі кадрларды даяралу және қайта даярлау жоспары анықталған соң бұл қаражаттың әр аймақ үшін мөлшерін белгілейді.

Жол картасы бойынша Алматы облысына белгіленген бюджет лимитінің мөлшері 12,7 млрд.теңгені құрайды, оның ішінде 7,7 млрд.теңге республикалық, ал 5,0 млрд.теңге облыстық бюджеттен қаражатынан құралмақ. Бұл қаражат коммуналдық-шаруашылық жүйесін, автомобиль жолдарын жөндеу, білім беру, денсаулық сақтау, мәдениет және басқа да әлеуметтік маңызы бар объектілерін жаңарту жұмыстарына жұмсалады. Ал ол өз кезегінде облыс халқына қосымша 19597 жұмыс орындарын ұсынуға мүмкіндік береді.