Жалпы ақпарат
Биыл 6 - жыл қатарынан облыс орталығы Талдықорған қаласының көрнекті жерлерінен, аудан және қала әкімдіктерінің қолдауымен 19 қымызхана қалашықтары орын алып, жаз айларында қала тұрғындары мен меймандарына қазақтың қымызы мен шұбатын, ұлттық тағамдарын ұсынып қызмет көрсетуде. Оның сыртында, облысымыздың аудан орталықтары мен бірқатар ауылдық елді мекендерінде қымызханалар жұмыс жасады.
Облыс көлемінде 109 қымызхана ашылып халыққа қызмет көрсетті, маусым барысында 607,9 мын литр қымыз, 370,5 мың литр шұбат өнімдері сатылып, 334,3 млн. теңгеге ақылы қызмет көрсетілді. Нәтижесінде, 376 жаңа маусымдық жұмыс орындары ашылып, еңбекақы табуға мүмкіндік алды.
«Қымызхана» сауда қазақ үйлерінде, қала халқының сұранысына орай ұлтымыздың түрлі салт- дәстүрлерін өткізу белең алуда. Мұнда «Құда күту», «Қыз ұзату», «Тұсау кесер», «Тілашар», «Шілдехана» жанұялық мерекелері жиі өткізіліп отырады.Бұл игі бастама ұмытылып бара жатқан халқымыздың салт-дәстүрлерін жаңғыртуға, өсіп келе жатқан ұрпағымызға тәлім-тәрбие беруге арналған шара. Қала инфрақұрылымына ұлттық және сәулеттік ерекшелік енгізіп, шағын бизнесті дамытуға, сол арқылы халықтың әлеуметтік жағдайын жақсартуға септігін тигізуде.
Байқау туралы қағида
Алматы облыстық ауыл шаруашылығы басқармасының ұйымдастыруымен «Үздік қымызхана» байқауы Талдықорған қаласында «Қымызхана» сауда қазақ үйлерін ашқан аудандар мен қалалар арасында өткізіледі.
Байқаудың мақсаты халық дәстүрлерін жаңғырту, қазақ халқының ұлттық тағамдары мен сусындарын танымал ету, салауатты өмір салтын насихаттау, қызмет көрсету саласын жетілдіру.
Қазылар алқасы, байқауға қатысушыларды он баллдық жүйемен, келесі өлшемдер бойынша бағалайды: қазақ үйдің сырт көрнісі; қонақ үйдің ішкі безендіруі; ұлттық сусындар және тағамдар; қызмет көрсету мәдениеті және кәсіби деңгейі; сауда және қоғамдық тамақтандыру қызметі
.
2011 жылғы байқаудың нәтижелері
1-орын - Жамбыл ауданы 465 мын. теңге
2-орын - Райымбек ауданы 365 мын. теңге
3-орын - Панфилов ауданы 300 мын. теңге
Ынталандыру сыйлықтары
Алакөл ауданы - 140 мын. теңге
Кербұлақ ауданы - 140 мын. теңге
Қаратал ауданы - 140 мын. теңге
