Мемлекеттік қызмет көрсетулер

Алматы облысының жұмыспен қамтуды үйлестіру және әлеуметтік бағдарламалар басқармасы тарапынан көрсетілетін мемлекеттік қызметтердің тізіліміне мұқтаж жандарды медициналық-әлеуметтік мекемелерге орналастыруға құжаттарды рәсімдеу қызметі жатады.

Медициналық-әлеуметтік мекемелерге орналастыру Қазақстан Республикасының Еңбек және халықты әлеуметтік қорғау министрінің 2010 жылғы 6 желтоқсандағы № 394-ө бұйрығымен бекетіліген Арнаулы әлеуметтік қызмет көрсетудің Стандарттарына сәйкес жүргізіледі.

Облыс көлемінде басқармаға қарасты 960 орындық 3 ересектерге арналған және 252 орындық 2 балаларға арналған психоневрологиялық медициналық-әлеуметтік мекеме, 590 орындық 3 жалпы үлгідегі қарттар мен мүгедектерге арналған медициналық-әлеуметтік мекеме және 2 балаларға арналған 100 орындық оңалту орталығы қызмет көрсетеді.

2011 жылы 187 жолдама, соның ішінен 129 жолдама қарттар мен мүгедектерге арналған интернат-үйлеріне, 20 жолдама психоневрологиялық интернат-үйлеріне және 12 жолдама балаларға арналған психоневрологиялық интернат-үйлеріне, 26 жолдама мүмкіндігі шектеулі балаларға арналған Оңалту орталықтарына берілді.

 Мемлекеттік қызмет көрсетулер 

1. Зейнетақы және мемлекеттік жәрдемақы төлемдерін тағайындау үшін құжаттарды қабылдау, іс жобаларын қалыптастыру және оларды Алматы облысы бойынша бақылау және әлеуметтік қорғау департаментіне бекітуге жолдау;

2. ҚР заңына сәйкес, республикалық бюджеттен зейнетақы алуға құқы бар азаматтарға зейнетақы төлемдерін жүргізу;

3. Мемлекеттік жәрдемақы төлемдерін жүргізуді ұйымдастыру;

4. Әлеуметтік сақтандыру мемлекеттік қорынан әлеуметтік төлемдерді төлеуді ұйымдастыру;

5. Азаматтарға жеке әлеуметтік код тағайындау;

6. Міндетті зейнетақы жарналарын дербес есепке алып, жинақтаушы зейнетақы қорларына аудару (ЖЗҚ) және ӘСМҚ-на міндетті әлеуметтік аударымдарды жүргізу;

7. Қазақстан Республикасының заң актілеріне сәйкес басқа да қызметтер атқару.