Алматы облысы әкімінің өкімімен Серік Сейітжанұлы Керімқұлов облыстық жолаушы көлігі және автомобиль жолдары басқармасының бастығы болып тағайындалды.

Норвегиялық “Bike For Peace” ұйымы жақтастарының велошеруі Алматы облысына келді.

Берекесі мен пейілі жарасқан Талғар мен Алакөл аудандарының тұрғындары биылғы мәдениет күндері аясында өтетін шараға үлкен дайындықпен келіпті.

«Жетісу» кәсіпқой футбол клубы мен облыстық «Жетісу жастары» жастар орталығы бірігіп, Қазақстан Республикасының Конституциясы күніне және Тәуелсіздігіміздің 20 жылдығына орай спортсүйер жастармен кездесу өткізді.

«Нұр Отан» ХДП облыстық филиалының мәжіліс залында «Жұмыспен қамту – 2020» бағдарламасын түсіндіру мақсатында жиын өтті. Басқосуға облыстық жұмыспен қамтуды үйлестіру және әлеуметтік бағдарламалар басқармасы бастығының орынбасары Еркін Қабиев, әлеуметтік кәсіпкерлік корпорациясының басқарушы директоры Сәкен Бескемпіров, облыстық «Азаматтық Альянсы» заңды тұлғалар бірлестігінің президенті Әбілхан Ахимбеков және облыстық «Даму» қорының менеджері Еркебұлан Қанатай қатысты.

Құрылысшылар мерекесіне орай облыс әкімдігінде салтанатты жиын өтті. Жиынға облыс әкімінің орынбасары Болат Тәкенов төрағалық етті.

Бүгін облыс әкімі Аңсар Мұсаханов ҚР Чемпионатының алғашқы кезеңінде бірінші орын алған «Жетісу» футбол командасын қабылдады. Облыс басшысы оларды бастапқы үздік қадамдарымен құттықтап, бұдан кейін де осы тұғырдан таймауларына тілектестік білдірді.

Облыстық әкімдіктің кіші мәжіліс залында «Тіл туралы» Заңдардың сақталуын бақылау жөніндегі және облыстық ономастикалық комиссиялардың отырысы болып өтті. Отырысты ашып, жүргізіп отырған комиссияның төрағасы, облыс әкімінің орынбасары Серік МҰҚАНОВ жиналғандарға комиссия мүшелерін таныстырып өткеннен кейін бірден күн тәртібіндегі мәселелерді қарауға көшкен.

Елбасының Үкімет пен әкімдерге қысқа әзірлікті, оның ішінде жылыту маусымына дайындықты қатаң қадағалап, былтырғыдай тұтас қалалардың суықтан қатып қалмауын назарда ұстау туралы тапсырмасынан соң құрылған алдағы жылыту маусымына дайындықты бақылайтын республикалық комиссияның жұмысшы тобы Алматы облысындағы облыстық бағыныстағы қалалардың жай-күйімен танысты. ҚР Индустрия және жаңа технологиялар министрлігі және Құрылыс және коммуналдық шаруашылық істері жөніндегі агенттік өкілдерінен жасақталған комиссия бірінші кезекте облыс орталығындағы жылуды қамтамасыз ететін нысандарды аралап, әзірлік барысын өз көздерімен көріп, сол жерде туындаған сауалдарға жауаптар алды. Жұмысшы топты облыс әкімінің орынбасары Сәкен Жылқайдаров пен қала әкімі Махаббат Бигелдиев бастап жүрді.

Талғар ауданындағы Бесқайнар ауылында вирустық «А» гепатиті бойынша эпидемиологиялық жағдай бойынша, аталмыш ауылда шілде айының 28-і мен тамыздың 8-і аралығында «А» гепатитімен 27 жағдай тіркелген. Олардың қатарындағы 14 жасқа дейінгі балалар саны – 18,5 % (5 жағдай), 15-19 жас аралығындағылар – 33% (9 жағдай), 20-29 жас аралығындағылар – 48% (13 жағдай). Қалыптасқан осы жағдайға байланысты облыстық санитарлық-эпидемиологиялық қадағалау департаментінде баспасөз конференциясы өтті.

Балқаштықтар ауыл шаруашылығындағы жетістіктерін салтанатпен атап өтті.