Облыс әкімі Аңсар МҰСАХАНОВ бұқаралық ақпарат құралдары өкілдерін қабылдап, жылы жүздесу өткізді. Жылы жүзді кездесуге республикалық, облыстық, аудандық басылымдар мен телеарналардың редакторлары мен қызметкерлері қатысты. Сондай-ақ, бұл қатарда осы салада ұзақ уақыт еңбек етіп, қазір құрметті демалыста жүрген қарт журналистер де болды.

Алматыдағы «Алатау» санаторийінде Алматы облысының әкімі Аңсар Мұсаханов жаңа жыл қарсаңында кезінде ел басқару ісіне араласқан, қалың жұртшылыққа белгілі қоғам қайраткерлерімен, соғыс және еңбек ардагерлерімен, Алматы облысының құрметті азаматтарымен кездесу өткізді.

Футболдан үстіміздегі жылғы Қазақстан чемпионатында екінші орынды иеленген «Жетісу» футбол командасына 30 млн. теңгеден астам сыйақы берілді.
Команданың құрылғанына 30 жыл толуына арналған салтанатты жиында күміс медаль мен 30 млн. 900 мың теңгенің сертификатын аяқдопшыларға Алматы облысының әкімі Аңсар Мұсаханов тапсырды.

Облыс әкімі Аңсар Тұрсынханұлы Мұсахановтың
16 желтоқсан - Тәуелсіздік күнімен құттықтауы

Елбасының Жарлығына сәйкес мемлекеттік және қоғамдық қызметте сіңірген еңбегі, елдің әлеуметтік-экономикалық және мәдени дамуына, халықтар арасындағы достық пен ынтымақтастықты нығайтуға қосқан елеулі үлесі үшін Қазақстан Республикасының мемлекеттік наградаларымен Алматы облысының бірқатар азаматтары наградталды. Талдықорған қаласындағы І.Жансүгіров атындағы Мәдениет сарайында Тәуелсіздік күніне орай өткен салтанатты жиында көпшілікті жалпыұлттық мерекемен құттықтаған облыс әкімі Аңсар Мұсаханов марапатқа ие болғандарға осы наградаларды тапсырды.

Қарасай ауданының Алғабас ауылында «Тоғжан» балалар бақшасы бүлдіршіндерге есігін айқара ашты.

Ескелді ауданында жұмыс сапарымен барған облыс әкімі Аңсар Мұсаханов Сырымбет ауылында қалпына келтіріліп, айшықты түрге ие болған балалар бақшасын салтанатпен ашты.

"Жастар" спорт сарайында Қазақстан Республикасы Тәуелсіздігінің 20 жылдығы аясында Талдықорған қаласында өткен аудандар мен қалалардың мәдениет күндерінің гала-концерті өтті.

Қазақстан Республикасы Тәуелcіздігінің жиырма жылдығына орай Талдықорған қалалық сотының ғимараты күрделі жөндеуден өткізіліп, заман талабына сай қажетті техникамен қамтамасыз етіліп, пайдалануға берілді.

Қазақ мәдениеті тағы да бір өнер ұжымымен толықты. Талдықорған қаласының әкімі Махаббат Бигелдиевтің қолдауымен «Талдықорған әуендері» атты фольклорлық-этнографиялық ансамблі құрылды. Оған бюджеттен 47 миллион теңге бөлініп, музыкалық жабдықтар, аспаптар алынып, сахналық костюмдер тігілді. Жуырда І. Жансүгіров атындағы Мәдениет сарайында өңірдегі өнерлі жастардың басын қосқан ансамбльдің тұсаукесері өтті. Аталған шара «Тәуелсіздіктің жиырма шыңы – жиырма жұлдызды күн» шеңберіндегі мәдениет күні аясында ұйымдастырылды.

«Индустрияландыру» күніне орай Елбасының қатысуымен өткен тікелей телекөпір барысында Алматы облысында «Байсерке Агро» жауапкершілігі шектеулі серіктестігінің ет өңдеу кешені іске қосылды.