Республикалық «Мектепке жол» акциясы аясында облыс орталығындағы Коммуналдық базар мен Арбаттың бойында әр сенбі сайын «Мектеп жәрмеңкесі» өтуде. Оны ұйымдастыруға Талдықорған қалалық әкімдігінің кәсіпкерлік және білім бөлімдері ұйытқы болуда. Бұл игілікті іске барлығы 17 кәсіпкер тартылған. Олар базар бағасынан әжептәуір арзан әрі сапалы тауарларды жұртшылық назарына ұсынуда.

ҚР Парламенті Сенатының депутаттары Нүсіпжан Нұрманбетов пен Нұрлан Сүлейменов өздері сайланған Жетісу өлкесін аралап, ел-жұрттың жай-күйін білу мақсатында облысымызға арнайы сапармен келді. Талдықорғандағы құрылысы аяқталып, пайдалануға берілген ғимараттарды аралап, жұмыстарымен танысты.

Шілде айында ҚР Премьер-Министрі Кәрім Мәсімовтің төрағалығымен болған Тілдерді қолдану мен дамытудың 2011-2020 жылдарға арналған мемлекеттік бағдарламасының жобасын» талқылауға арналған кеңейтілен мәжіліс Жетісу жерінде өз жалғасын тапты.
Облыс әкімі орынбасары Серік Мұқановтың кіріспе сөзінен кейін көпшілік алдына көтерілген Тіл комитетінің төрағасы Бауыржан Омаров аса тұщымды әрі мазмұнды баяндама жасап, мемлекеттік тілдің өткені мен бүгіні және болашағы жайлы тереңнен толғады.

Облыстық әкімдіктің үлкен залында облыстық мәсли¬хаттың кезектен тыс ХХХVІ сессиясы өтіп, онда депутаттар назарына «Алматы облысының 2010-2012 жылдарға арналған облыстық бюджеті туралы» шешіміне өзгерістер мен толықтырулар енгізу туралы» жоба ұсынылды. Облыстық мәслихаттың кезектен тыс сессиясының төрағасы Марат Мырзағалиевтың жүргізуімен өткен депутаттар отырысына облыс әкімінің бірінші орынбасары Амандық Баталов, облыстық мәслихаттың хатшысы Ардақ Сыдық, ҚР Парламенті Сенатының депутаттары Нүсіпжан Нұрманбетов пен Нұрлан Сүлейменов қатысты.

Осының алдындағы селекторлық кеңестердің бірінде ҚР Премьер-Министрі Кәрім Мәсімов көрші елдерде болып жатқан төтенше оқиғалардан мысал келтіре отырып, республикамыздағы барлық министрліктер мен агенттіктер және тағы басқа ведомостволар мен облыс басшыларын жаздың аптап ыстығына байланысты туындауы мүмкін өртке қатысты қауіпсіздікті барынша күшейту мен кез келген төтенше оқиғаға дайын тұру қажеттігін ескерткен болатын. Содан бергі уақытта елімізде адам өлімдеріне әкеліп соқтырған жол-көлік апаттары болмаса, былайғы жұртты абыржытатындай табиғи немесе техногенді апаттар мен оқиғалар тіркеле қойған жоқ.
Дегенмен, «Сақтыққа – қорлық жоқ» дегенді атам қазақ бекер айтпаған болар. Бүгін ҚР Премьер-Министрінің бірінші орынбасары Өмірзақ Шүкеевтің төрағалық етуімен осы мәселеге байланысты кезекті селекторлық кеңес өтті.

Тұрғындарының 80 пайызға жуығы ауылды жерде тұратын және ауыл шаруашылығымен айналысатын Алматы облысында аграрлық саланың алар орны үлкен.
Тек қана Алматы, Талдықорған және Қапшағай қалаларында өткізілген ауыл шаруашылығы өнімдері жәрмеңкелерінде 1 млрд. теңгеден астам қаржының азық-түлігі сатылған. Алматы облысы экономикасындағы жетекші сала болып саналатын ауыл шаруашылығы бойынша алты айда 63,0 млрд. теңгенің өнімі өндірілгені жыл соңына дейін үстіміздегі жылға межеленген жоспарды бағындыра алатындығымызға қатысты сенімді арттырады. Үдемелі индустриалды-инновациялық дамыту бағдарламасы аясында жүзеге асырылып жатқан жобалар да бастапқы орындалу қарқынымен қуантып отыр.

«100 мектеп пен 100 аурухана» мемлекеттік бағдарламасы бойынша Алматы облысында он мектептің құрылысы аяқталып, білім ошақтарының барлығы пайдалануға беріліп, 7050 оқушы жаңа мектептерде білім алуда.

Үстіміздегі жылы жергілікті қаржы қорынан Панфилов ауданы орталығындағы 10 көше жолын ағымдағы жөндеуден өткізуге 30688 мың теңге бөлініп, бұл іс қазір тиянақталды. Сонымен қатар, мемлекеттік «Жол картасы» бағдарламасы бойынша Жаркент қаласындағы Головацкий, Назым, Жансүгіров көшелерін орташа жөндеуден өткізуге республикалық қаржы қорынан 76 миллион, облыстық бюджеттен 38 миллион теңге берілді. Қазір Головацкий, Жансүгіров көшелеріндегі жөндеу жұмыстары тиянақты тамамдалып, Назым көшесіндегі іс жалғасуда. Жаркент қаласындағы осы жұмыстарға «Жол картасы» бойынша 87 жергілікті тұрғын тартылды.
Жол жөндеуді қолға алған Есік қаласындағы «ДСУ-13» АҚ мердігерлеріне жаркенттіктер дән риза.

Мемлекет басшысының 13 тамыз күнгі сапары Қызылағаш ауылында жалғасты.

Елбасының жұмыс сапарының екінші күні, 13 тамызда Талдықорған қаласындағы Спорт сарайының құрылысымен танысудан басталды.