Алматы облысында 2 жасар балаларға «А» вирусты гепатитіне қарсы екпе жұмыстарына 50 млн. теңге бөлінді.

Тәуелсіздіктің 20 жылдығына облыс тұрғындарына мерейтойлық тарту ретінде Талдықорған қаласындағы Қаратал өзені арқылы өтетін қайта жаңарған көпір салтанатты түрде ашылды.

Алматыдағы Ә. Қастеев атындағы мемлекеттік өнер мұражайында «Тәуелсіздік тағылымы» атты қазақ фотожурналистерінің көрмесі ашылды. Аталған шара ел Тәуелсіздігінің 20 жылдық мерейтойына арналды. Еліміздің жиырмаға тарта кәсіби фотожурналистері қатысқан бұл көрмені Алматы және Астана қалалары әкімдіктерінің қолдауымен «ФОТОӨНЕР» қоғамдық бірлестігі ұйымдастырды. Оған демеушілік танытқан «Bank «RBK» акционерлік қоғамы.

Астанадағы Үкімет үйінде Қазақстан Республикасының Премьер-Министрі Кәрім Мәсімовтің төрағалық етуімен кезекті селекторлық жиын өткізілді. Барлық министр мен облыс басшылары қатысқан кеңесте бірнеше мәселе қаралды.Облыста астық экспорты, арнайы экономикалық аймақ құру мәселелері және үдемелі индустриялды-инновациялық даму бағдарламасын іске асыру барысы жан-жақты талқыланды.

Коммунистік халық партиясы қоғамдық бірлестігі Алматы облыстық филиалының ұйымдастыруымен Талдықорған қаласындағы қан өткізу орталығында «Донор – 2011» акциясы болып өтті.

«Достық» кеденінде «НМС» компаниясы жүргізген 20 пәтерлі, үш қабатты үйдің құрылысы аяқталып, жас мамандар мен басқа өңірлерден қызмет бабымен ауысып келгендер баспаналы болды.

Ел тәуелсіздігінің 20 жылдық мерейтойы қарсаңында Көксу өңірінде халық ақыны Қалқа Жапсарбаевтың 125 жылдығы аталып өтілді.

Жамбыл ауданы Қазыбек бек бекетіндегі «Р-Күрті» серіктестігі жарты ғасырлық мерейтойын атап өтті

Франция мемлекетінде ауыр атлетикадан өтіп жатқан әлем біріншілігінде Зүлфиядан кейін сынға түскен қыздарымыз алтынға қолы жетпесе де күмісті қанжығаға байлады.

Облыстық Қазақстан халқы Ассамблеясының жанында этносаралық қатынастар мәселелері бойынша жетекші журналистер мен сарапшылар клубы жұмыс істейді. Аталған клуб Достық үйінің конференц-залында кезекті отырысын өткізіп, қазіргі уақыттағы БАҚ және діннің өзара іс-қимылдарының ерекшеліктерін талқылады. «Оған клуб мүшелері, сарапшылар, облыстық этномәдени орталықтардың, облыстық ведомстволық құрылымдардың өкілдері қатысты.

Алматы облыстық ардагерлер кеңесі мен облыстық әкімдік Талдықорған қаласында «Келіндер – отбасының болашағы» атты тәлімді шараны өткізуге ұйытқы болды.