Алматы қаласының Медеу ауданына қарасты «Самал» ықшамауданының тұрғындары Талғар ауданынан әр сенбі сайын жеткізілетін табиғи да таза ауылшаруашылық өнімдерін базардан әлдеқайда төменгі бағада сатып алу мүмкіндігіне ие болды.

Облыстық көркемөнер галереясында Алматы қаласы, Алмалы ауданындағы № 2 Оқушылар сарайы «Жұмсақ ойыншықтар дизайны» үйірмесінің оқушылары мен Жаркент қаласындағы балалар үйі тәрбиеленушілерінің көрмесі болып өтті.

Қапшағай қаласына қарасты Шеңгелді ауылында облыстың ауыл шаруашылығына қатысты кеңейтілген ғылыми семинар-кеңес болды. Семинар кеңесте көкөніс, жеміс-жидек өндірудің мәселелері және жылыжайларды уақыт талабына сай қалай дамыту керек деген сұрақтарға нақты жауаптар іздестірілді. Аталған мәжіліске аудан әкімдері орынбасарлары, ауыл шаруашылығы бөлімдерінің бастықтары, ауылшаруашылығы құрылымдары мен қайта өңдеу мекемелерінің және ғылыми мекемелердің, фирмалардың жетекшілері мен өкілдері қатысты.

Су тасқынынан кейін 4 айдың ішінде Қызылағашта барлығы 465 үй жаңадан бой көтеріп, 30 үй күрделі жөндеуден өтті. Сөйтіп, Қазақстан тарихында тұңғыш рет тұтас бір ауыл осындай қысқа мерзім ішінде толығымен қайта салынды.
Апаттан кейін абдырап қалған жұртшылықтың жүзіне қуаныш ұялады. Олар үш, төрт бөлмелі, барлық қажеттіліктермен, жиһаздармен, тұрмыстық техникамен жабдықталған коттедж үйлерге қоныстанды.
Бүгін Алматы облысының әкімі Серік Үмбетов Қызылағаш ауылында соңғы тұрғын үйлердің кілтін тапсырумен қатар күрделі жөндеуден өткен ауыл мектебі мен аурухананың, балабақша мен 12 пәтерлі коммуналдық үйдің ашылу салтанатына қатысты.

Алматы қаласының маңынан азық-түлік белдеуін құруда облысқа жүктелген міндет аса салмақты әрі жауапты. Мұнда оңтүстік астана айналасындағы аудандарда көкөніс өсіретін жылыжайлар мен жеміс-жидек, көкөніс сақтайтын қоймалар салудың маңызы аса зор. Соған сай соңғы жылдары аталған өңірлерде аса ірі жылыжай шаруашылықтары құрылуда. Солардың бірі – Қарасай ауданындағы Елтай ауылдық аумағында орналасқан «Аврора – Агро» шаруа қожалығының жылыжайы. Айнұр Маханова басқаратын шаруашылық осы жерде жеті гектар жерде жылыжайлар салып, пайдалануда. Бұрынғыларының жанынан жаңаларының құрылысын жүргізуде. Жылыжайларда негізінен қызанақ пен қияр өсіріледі. Сонымен бірге, голландиялық роза да өз тұтынушыларын тауып отыр.

Берекесі тасыған Іле ауданы биылғы мәдениет күніне барынша дайындалып келген екен. Алматы шаһарымен шекаралас бұл аудан индустриалдық-инновациялық бағдарлама ауқымында қарқынды даму үстінде. Сөзімізге дәлел ретінде айта кететін болсақ, алғашқы жартыжылдықтың қорытындысы бойынша ауданның әлеуметтік-экономикалық даму деңгейі жоғары көрсеткіштерді құрады.

Еңбекшіқазақ ауданының Асы жайлауында малшылар слеті өтті.

Сайысқа түсуден қариялар да қалыспайды екен. Оған Талдықорғандағы Ілияс Жансүгіров атындағы Мәдениет сарайында өткен «Ардагерлер ұйымының төрағасы» атты байқау барысында көз жеткіздік.
Облыстың 19 ауданы мен қаласынан келген ұйым төрағалары сахнада қарияға тән қазыналық, дарияға тән тереңдігін танытты.

Тұрмыстық қатты қалдықтарды (ТҚҚ) жинау және кәдеге жарату кезінде санитарлық және экологиялық талаптар қаншалықты сақталуда және ол үшін қандай іс-шаралар атқарып жатырмыз? Алматы облысында өткен жиында осындай сауалдардың төңірегінде мәселелер көтерілді.

«Мәдени мұра» бағдарламасына орай, әрі облыс тұрғындарына мәдени қызмет көрсетуді жақсарту жөніндегі облыс әкімдігінің қаулысын орындау мақсатында 2006 жылы Еңбекшіқазақ ауданы, Ақши ауылында ұста Дәркембай атындағы қолөнер музейі құрылған болатын.
Музей ғимаратының жалпы көлемі 375 шаршы метр, Мұражайға 2008-2010 жылдары күрделі жөндеу және экспозициялық безендіру жұмыстары жүргізіліп, ертең салтанатты түрде ашылғалы отыр. Шараға облыс әкімі Серік Үмбетов және Қазақстанның халық жазушысы, ақын Тұманбай Молдағалиев қатысады деп жоспарлануда.