«Тәуелсіз елім менің - Қазақстан»
Қазақстан Республикасы Тәуелсіздігінің 20 жылдығын
мерекелеу аясындағы
Алматы облысы аудандары мен қалаларының
Мәдениет күндерін өткізу
ЕРЕЖЕСІ

Негізгі мақсаты: Тәуелсіздіктің 20 жылдығы аясындағы жетістіктерімізді ой елегінен өткізіп, болашақ міндеттерін айқындау. Мерей тойды мерекелеу Қазақстандық мемлекеттілік пен патриотизмды нығайтып, оның 20-жылдық даму тұрғысын жан-жақты таныту. Тәуелсіздіктің әрбір жылдарының өзіндік әлеуметтік-экономикалық, мәдени-гуманитарлық жетістіктерін кеңінен көрсету.
Мәдениет күндерінің басты шарықтау шегі Тәуелсіздіктің жиырма шыңы болып табылады. Осыған орай Талдықорған қаласы тұрғындарына аудандар мен қалалардың түбегейлі өзгерісін, мәдени өрлеу мен жаңаша өмір жетістіктерін таныстыру. Мәдениет саласының нығайғанын Тәуелсіздіктің жиырма жылдығымен ұштастырып көрсету. Көркемөнерпаздар ұжымдары мен жеке әншілердің орындаушылық шеберліктерін таныту. Өнерге қадам басқан жаңа есімдерді анықтау және оларды насихаттау. Қала мен ауыл арасындағы рухани мәдени байланыс орнату. Облысымыздың барлық тұрғындарын мерейтойлық іс-шараларды ұйымдастыруға, өткізуге және оларға белсенді қатысуға тарту.

Өткізу реті:
Мәдениет күндерінің дайындауға және оны өткізуге барлық мемлекеттік құрылымдар, үкіметтік емес ұйымдар, жастар ұйымдары, ғылыми, шығармашылық зиялы қауым өкілдері және т.б. тартылады.
Мәдениет күндері белгіленген кесте бойынша Талдықорған қаласында әр аптаның жұма күндері, ертеңгі сағат 11.00-ден кешкі сағат 22.00-ге дейін мереке ретінде аталып өтіледі. Бағдарламаға орай орталық алаң, орталық саябақ және басқа да мәдениет мекемелері қамтылады.
Мәдениет күнінің ашылу салтанаты сағат 18.00-де.
Ауданнан келетін делегация мүшелерін бекіту, олардың іс-сапар шығындары және өткізілетін орынды безендіру аудандық және қалалық әкімдіктерге жүктеледі.
Делегация құрамына Еңбек және оқу озаттары, соғыс ардагерлері, ақын-жазушылары, республикалық, облыстық фестивальдар мен байқаулардың лауреаттары, Халықаралық, республикалық, спорт жарыстарының женімпаздары енгізіледі. Ресми делегацияның облыс әкімімен кездесуі ұйымдастырылады.
Ресми делегацияға қаланың көрнекті орындарын, тарихи ескерткіштерін көрсетіп, музейлер мен галереяда экскурсия өткізіп, мәдени-әлеуметтік тәжірибе алмастыру мақсатында облыстық кітапханада ауданның және қаланың ақын-жазушыларымен кездесу шаралары ұйымдастырылады.
Аудандар мен қалалардың жетістіктері кітаптарда, деректі бейнефильмде және көрнекті басылымдарда (буклет, бағдарлама т.б.), драматық қойлымдарда, түрлі жанрдағы музыкалық туындыларда және өнердің басқа да түрлерінде пәндік көрініс табуы керек.
Аталған іс-шараға аудандардағы, қалалардағы барлық «Халықтық», «Үлгілі» атағы бар ұжымдары мен Ақсу (Жансүгіров), Райымбек (Кеген), Іле (Ақши) аудандарында ашылған театрлар міндетті түрде қатыстырылады.
Сонымен қатар, аудан, қала мәдени өмірінен жарты сағаттық бейне фильм көрсетіледі.
Мәдениет күндері бір күнде екі ауданның қатысуымен кестеге енгізілді. Жаңа түрде өткізілетін мәдениет күндері аудан, қалаларға тәжірибе алмасып жаңа мәдени үлгілермен танысуға мүмкіндік береді.

Толығрақ (файл doc)