Қазақстан Республикасының 2010-2014 жылдарға арналған
индустриалды - инновациялық даму Мемлекеттік Бағдарламасы шеңберінде,
Алматы облысында іске асырылып жатқан жобалар жөнінде.
Облыста индустриалды - инновациялық даму бойынша аумақтық Үйлестіру кеңесі құрылған, инвестициялық жобалардың мониторингі апта сайын жүргізіледі.
Түпкілікті жобалардың тізбесі Индустрия және сауда министрлігімен келісілген.
Бірінші бағыт.
2010 жылы аяқталатын жобалардың тізіміне Алматы облысы бойынша жалпы құны 13,0 млрд.теңге құрайтын жеті жоба енгізілген (АӨК саласында 2 жоба, өнеркәсіпте 3 жоба, көлік инфрақұрылымында 1 жоба және энергетика бойынша 1 жоба), оның ішінде алты жоба маусым айында, бір жоба - 2010 жылдың екінші жарты жылдығында іске қосылады. Аталған инвестициялық жобалар бойынша 8,1 млрд. теңге игерілді. 492 адам құрылыс жұмыстарына тартылған, нысандарды қолданысқа берілгеннен кейін 807 жұмыс орны құрылады.
Сонымен қатар, «КазАгро» АҚ-мен Балқаш ауданында мал бордақылау алаңы құрылысының жобасын қолданысқа беру жоспарланған (жоба құны 3,3 млрд.теңге, 2,3 млрд.теңге игерілген, 200 адам тартылған, қолданысқа берілгеннен кейін 118 жұмыс орны құрылады).
Екінші бағыт.
2010 жылы құрылысы басталатын жобалар тізіміне жалпы құны 870,9 млрд.теңге құрайтын сегіз республикалық жоба енгізілген, оның ішінде Алматы облыс аумағында бес және үш аймақ аралық жоба (энергетика саласында 6 жоба және көлік инфракұрылымында 2 жоба).
Барлық жобалар бойынша штабтар құрылып, іске асыру іс-шаралары мен жоспар-кестелері жасалған. Құрылыстың басталуы мен іске қосылу мерзімдері нақтыланған.
Кестелер бойынша құрылыс алаңдарына шығуымен штабтардың отырысы жүргізіледі.
Жобалардың іске асырылуы үнемі бақылауда.
Алматы облысында 2010 жылдың 1 шілдесіне енгізілген жобалар
Алматы облысында 2010 жылдың екінші жартысында енгізілетін жобалар
2010 жылы бастау алатын ірі инвестициялық жобалардың тізімі
Алматы облысы әкімдігіне бекітілген, индустрияландыру Картасына енген жобалардың тізбесі
Алматы облысында 2010 жылда енгізілетін инвестициялық жобалардың жүзеге асыру барысы
